Мэта: стварэнне ўмоў для ўдасканалення адукацыйнай прасторы ўстановы адукацыі, накіраванай на павышэнне якасці адукацыі, станаўлення рознабакова развітай, маральна сталай і здаровай асобы вучняў у адпаведнасці з актуальнымі і перспектыўнымі патрэбамі грамадства і дзяржавы.
Задачы:
1. Стварыць умовы для забеспячэння вынікаў адукацыйнага працэсу патрабаванням дзяржаўных стандартаў на ўсіх ступенях агульнай сярэдняй адукацыі праз рэалізацыю кампетэнтнаснага падыходу ў выкладанні вучэбных прадметаў, развіццё інфармацыйнага асяроддзя, прымяненне актыўных метадаў і прыёмаў работы з вучнямі.
2. Павышаць прафесійны ўзровень педагогаў па развіцці прадметна-метадычных кампетэнцый ва ўмовах абнаўлення зместу адукацыі праз засваенне сучасных метадаў і прыёмаў навучання.
3. Удасканальваць сістэму работы па духоўна-маральнаму выхаванню вучняў, прафілактычнай работы па папярэджанні супрацьпраўных паводзін непаўналетніх, фарміраванні навыкаў бяспечных і адказных паводзін.
4. Прадоўжыць работу па правядзенні мерапрыемстваў, накіраваных на абнаўленне і прывядзенне ў адпаведнасці з санітарнымі правіламі і тэхнічнымі нормамі матэрыяльна-тэхнічнай базы ўстановы, на стварэнне камфортнай, бяспечнай адукацыйнай прасторы для ўсіх суб'ектаў адукацыйнага працэсу.