Акцыя "Чыстая вёска"
15.04.2023Ужо стала добрай традыцыяй кожную вясну праводзіць працоўную акцыю "Чыстая вёска". 15 сакавіка 2023 года ў рамках экалагічнай акцыі "Хто, калі не мы?" вучні Сівіцкай базавай школы ачысцілі вуліцы аграгарадка Сівіца ад смецця. Усё смецце дзеці сартавалі. Акцыя прайшла вельмі натхнёна і актыўна, усе былі поўныя запалу і жадання зрабіць сваю вёску прыгажэйшай. У завяршэнне акцыі вучні раздалі жыхарам аграгарадка памяткі, у якіх пазначаны асноўныя правілы, як утрымліваць ў чысціні месца, дзе ты жывеш.