Аздараўленчы лагер "Дружба"
Закончыў сваю работу аздараўленчы лагер "Дружба" з кругласутачным знаходжаннем дзяцей.
Вынікам работы лагера стаў відэафільм.
Выхаванцы лагера "Дружба" наведалі экалагічны комплекс "Румскія сцежкі". Дзеці на экалагічнай сцежцы даведаліся цікавыя факты пра птушак, якія жывуць у Налібоцкай пушчы, пра шкоднікаў лесу і мерах барацьбы з імі, убачылі бабровую хатку. Але самых захапляльным было наведванне зямлянак часоў Вялікай Айчыннай вайны, у якіх дыслакаваўся атрад "Няўлоўныя" ў 1943-1944 гадах.
21 ліпеня ў аздараўленчым лагеры "Дружба" з кругласутачным знаходжаннем дзяцей на базе Сівіцкай базавай школы ў рамках інфармацыйна-адукацыйнай акцыі "Крок да поспеху" адбылася сустрэча з начальнікам дзяжурнай змены, лейтэнантам унутранай службы МНС Адамовічам Дзянісам Дзмітрыевічам, выпускніком нашай установы адукацыі, які пасля заканчэння ўніверсітэта грамадзянскай абароны Рэспублікі Беларусь прыйшоў працаваць у г.Валожын. У час сустрэчы Дзяніс Дзмітрыевіч расказаў пра сваё жаданне стаць выратавальнікам. Выхавальнікі актыўна задавалі пытанні аб складанасцях і хітрасцях прафесіі, асаблівасцях паступлення ва ўстановы адукацыі МНС і многае іншае. Напрыканцы сустрэчы дзеці павіншавалі Дзяніса Дзмітрыевіча і ўсіх пажарных з надыходзячым прафесійным святам - Днём пажарнай службы.
Вялікая Радзіма пачынаецца з роднага краю, з малой радзімы, дзе ты нарадзіўся і вырас, дзе жылі твае дзяды і прадзеды, дзе многія стагоддзі жыве твой народ. Паняцці радзіма і родная зямля непарыўна звязаны і святыя для кожнага чалавека. І такой жа святой і паважанай павінна быць і наша памяць да мінулага. Кожны чалавек павінен ведаць гісторыю сваёй малой радзімы, легенды і аповяды аб гістарычных асобах. І вось з гэтай мэтай выхаванцы аздараўленчага лагера "Дружба" 20.07.2024 наведалі старажытны Івянец. Дзеці пабывалі ў гасцях і даведаліся пра жыццё і творчасць знакамітага мастака і разьбяра па дрэве Апалінарыя Пупко. Наведалі магілу Казіміра і Люціі Дзяржынскіх, расстраляных нямецкімі фашыстамі за сувязь з партызанамі і магілу Мікалая Галубцова - адважнага партызана, стойкага камуніста, адказнага працаўніка.
19 ліпеня выхаванцы кругласутачнага лагера "Дружба" наведалі музей "Краіна міні". Яны мелі магчымасць у адным месцы, у цэнтры Мінска ўбачыць, тыя славутасці краіны, якіх у рэальным жыцці адзін ад аднаго падзяляюць сотні кіламетраў. На сёння ў музеі прадстаўлена 22 макеты самых значных аб'ектаў архітэктурна-гістарычнай спадчыны Беларусі. Галоўная місія музея "Краіна міні" - улюбіць у Беларусь кожнага наведвальніка музея!
Выхаванцы лагера "Дружба" наведалі яшчэ "Музей марожанага і прысмакаў". Яны пачалі сваё падарожжа з інтэрактыўнай экскурсіі, дзе ім расказалі пра гісторыю ўзнікнення марожанага і прысмакаў. Дзеці даведаліся, як развіваліся рэцэпты марожанага і як прысмакі заваёўвалі папулярнасць па ўсім свеце. Асаблівую цікавасць выклікаў працэс стварэння марожанага Джелато. Дзеці змаглі назіраць, як рыхтуюць яго. Завяршылася экскурсія дэгустацыяй розных гатункаў Джелато, кожны з якіх валодае сваім непаўторным густам.
Цікавым і насычаным аказаўся чацвёрты дзень ў лагеры “Дружба”. Праходзіў ён пад агульнай назвай “Экалогія і мы”. Выхаванцы наведалі Валожынскую метэаралагічную станцыю, дзе атрымалі шмат цікавай інфармацыі аб спосабах вызначэння тэмпературы глебы і паветра, відах аблокаў, вільготнасці, паветраным ціску і многае іншае.
У Валожынскмі краязнаўчым музеі пазнаёміліся з прадстаўнікамі жывёльнага свету Налібокскага ландшафтнага заказніка, а ў раённым рэсурсным цэнтры МНС змаглі выратаваць чалавека з ледзяной палонкі, зрабіць непрамы масаж сэрца, вызначыць магчымыя прычыны ўзнікнення пажару ў жылым памяшканні і выйсці з дымавага пакою.
Акрамя таго, паназіралі за насельнікамі дэндрапарка і Сівіцкага возера.
У рамках экскурсійнага марафона “Дзіцячы аўтапоезд” дзеці аздараўленчага лагера “Дружба” на базе Сівіцкай базавай школы Валожынскага раёна наведалі экасцежку “Белакорац” у Налібоцкай пушчы. Інклюзіўная экасцежка – месца знаёмства з ландшафтным заказнікам Налібоцкі. Сцежка, ідзе ўздоўж узлеску, пятлёй нырае ў лясны масіў, далёкай кропкай прымыкаючы да рэчкі Іслач.
Дзеці па ходзе сцежкі пазнаёіліся з дзевяццю інтэрактыўнымі стэндамі, разгадвалі галаваломкі пра флору і фаўну пушчы. Можна там сустрэць і зуброў, і тарпанаў, але дзецям сустрэліся толькі жабка і мурашы, зато выхаванцы палюбаваліся на тактыльных макетаў звяроў. Асабліва зацікавіў усіх волат, які абдымае сасну.
Летні адпачынак для кожнага дзіцяці павінен быць бяспечным: менавіта з гэтай мэтай 16.07.2024 года выхаванцаў аздараўленчага лагера "Дружба" з кругласутачным знаходжаннем дзяцей на базе дзяржаўнай установы адукацыі "Сівіцкая базавая школа" наведалі прадстаўнікі ПАСЧ г.п. Івянец Валожынскага РАНС. Супрацоўнікі расказалі выхаванцам лагера аб правілах бяспечных паводзін на вадаёмах і аб пажарнай бяспецы, а таксама прадэманстравалі метады выратавання людзей на вадзе.
15 ліпеня распачаў сваю работу аздараўленчы лагер з кругласутачным знаходжаннем дзяцей “Дружба”.
Распачаўся дзень ўрачыстай лінейкай, прысвечанай адкрыццю лагера. Далей хлопчыкаў і дзяўчынак чакала забаўляльная праграма “Прывітанне, школьны лагер!”, пад час якой яны мелі магчымасць паразгадваць загадкі, адказаць на жартоўныя пытанні, памерацца ў росце, сіле голасу, спрыце і многае іншае.
Кіналекторый “Мемарыяльныя комплексы Беларусі” акунуў дзяцей у гісторыю Вялікай Айчыннай вайны.
Гульні на свежым паветры дапамаглі дзецям актыўна і з карысцю правесці свой час, умацаваць здароўе і зарадзіцца бадзёрасцю на цэлы дзень. А Вячэрні аганёк падвёў вынікі першага дня работы лагера.